MODERN LEITAK PROJECT PROFILE
PROJECT MIN, AHMUN, LE TINHMI HNA
1. Project min: Modern Leitak Project (a tawinak in Leitak Project)
2. Ttuanvo latu: Leitak mipi le SRDP (Siapanglai Rural Development Program)
Chin State, Myanmar
3. Project umnak: Lungsawipaw va in Biluikhu va kar
Leitak, Thantlang Township, Chin State
Myanmar
4. Project Hmuitinh (Goal)
Leitak khua cu chanthar cinthlak ning le zuatkhalh ning he aa cawmmi, a lamkip in atthangcho mi, khuapi vanhai lo in tuntuk khuasak a nuam mi, chanthar (Modern) Khua pakhat ah ser tthan/chuah ding
5. Project Hmaithlakmi (Aims and Objectives)
(1) Leitak mipi le khuaza phan Leitak fanau hna ttanrual hnatlaknak in Modern Leitak Project hmunthar hamnak
(2) Cu hmun ah chanthar sining he aatlak mi khuahmun layout plan ttha tein suai mi he RDTS (Rural Development Training School) program cozah sin ah permit sawknak
(3) Leitak mi vialte hmunkhat ah nuam tein khuasak khawhnak hnga ding ca ah khuapi van hai lo mi khuahmun, lam, ti, mei, fimcawnnak, ngandamnak, aherh mi dangdang kum 5-10 chung ah sersiam khawhnak;
(4) Khua hmunthar ah chanthar cinthlak, zuatkhalh ning (modern livestock and farming system) hmankhawhnak ca ah cawnnak (training) phunphun tuah in Leitak le Lairam nun a dotdot in sersiamnak
(5) A hmunmi dum le lo tuah in fur-tthal thlaici phunkip cinkhawhnak le sersiamnak
(6) Theipar ttha thlaici le cikor ttha sattil phunkip, pawcawm thiamnak phunphun kan khuaram ah chuahpinak
(7) Pawngkam (environment) ttha tein zohkhenh le sullam ngei tein hman a thiam mi sinak
(8) Project rianttuan phu poah nih khuaram dawtnak, dinfelnak he ttuanmi dihlak kha mipi le ttuantti hawi sin theihter pengnak
MODERN LEITAK PROJECT KONG
1. Project aa thawknak (Background)
· Leitak khua cu tuanbia ttialtu hna nih an langhter ning ah AD 1400 hrawng ah rak tlakmi a si caah Chinram tlak hmasa khua lakah aa tel ve. Chan 2-3 an um hnu ah Keipaw khuami hna chiimnak in a rak ttio i AD 1500 hnu ah a voi 2-nak atu Leitak khi an rak tlak ti a si. Tlak hmasa mi le sualthianternak Siapanglai tikhor umnak a si caah tuanbia rolung khua a si. Amah bing tein ramuk nih hruaimi khua (Independent village) a rak si leng ah Zophei peng thawhkehnak khua a si caah Chin tuanbia ah telhloawk tthalo khua pakhat a si ve. Mirang pen hnu a voi 1-nak ralpi lio Lairal ah Ramuk bawi hna hruainak in mipi nih ralttha ngai in Mirang an rak doh. Curuang ah Ramuk thongthlak in khua tiang mei in rak duah dih a si. Mirang chan lio tein tangli sianginn rak pekmi khua a si. Siapanglai tikhor tuanbia zong Lai carel ah rak cawn chihmi khua, min ngei pakhat a si.
· Leitak khua cu kum 600 hrawng rak umnak cangmi khua a si caah thenhhlimhnak le ngandamnak lei ah a chambau ngai cang. Culeng ah Siapanglai tikhor pakhat lawng toh a si caah inn tamdeuh kan karh tikah tthal chung poah ti a rak har ngaingai. Cucaah 1958 ah zapi lungtling in khuathar tlak awk ah khuakhannak an rak ngei. Khuami dihlak lungtlin a si caah 1960 in atu Leitak khuathar ah tthial hram an rak thawk. Sihmanhsehlaw kan pale lung an rak ihmuh lo ruangah khuahlun ah hnarcheu nakin tamdeuh an rak tang tthan i khuahnih ah kan rak ichuah. 1979 ah zeimawzat khuahlun ummi hna nih atu Zipi khi an tlak tthan rih caah Leitak cu khuathum ah kan ichuah diam ko.
· Khuathum kan icheu leng ah a lamkip in zawr lei lawngte kan panh. Mino kan rawk ngaingai, kan irem lo, fimthiamnak lei ah kan chambau rih. Chaw kawlnak lei ah kan si a faktuk rih. Khuapi khuasa kan um lo ca ah fimnak le cacawnnak lei ah kan ti kho ti lo. Cucaah 1980 ah mino hruainak in SMLB (Siapanglai Mino Lungkomhnak Buu) rak dirh a si. SMLB nih fimthiamnak, mino nunzia remhnak, mino lung ihmuhnak, khuapi panh in chawkawlnak le ramleng kuli leknak tiang zeimawzat lam a rak kan hmuhsak khawh. Leitak khuathum fonhnak zong an rak izuam na-in an rak ti kho ve lo.
· Kum 2003 ah mino hna tthiam nih Leitak khua tthanchonnak rian ttuantthan awk ah SRDP (Siapanglai Rural Development Program) hun dirh tthan a si. Cu bantuk cun ramleng chuak Leitak vialte fonh in SRDP(Abroad) tiah rak dirh ve a si. Kum 5 chung kan ngeihchunh thazaang chuah in khuaram rian kan ttuan mi kan zohthan tikah aphi chuak kan lung atling hrim lo. Hmunthum ah tuah a hauh tikah kan thazaang aa tthentthek dih i, kan duhning in ttan kan la kho ti lo. Lung ihmuhlonak tete a hung tam. Duhsah tein khua hngak mi zong nih pawcawm fawinak khuapi le ramleng ah an kan chuahtak lengmang fawn. Cucaah ramleng SRDP nih ramchung SRDP biakchawnhnak atuah hnu ah, Leitak nupa an lung a tlin ahcun “Modern Leitak Project” hi tuah siseh tiah ruahnak ngeih a si. Cu ruahnak cu Leitak hrinthlak a si mi hna sin (Hakha, Thantlang, Leitak) ah October 2009 ah avoi khat nak chim le tlakpi a rak si. Mipi nih cohlan a si ca ah “Modern Leitak Project” cu thawk ding step 2 nak tuah a sinak a si.
2. Project tuah a herh khunnak (Problem Statement)
Sifah Pawcawm harnak: Kan ram uknak a tthatlo ruang ah sifah harsatnak nih kumkhat hnu kumkhat fak chin lengmang in a kan den. Khuathum kan um ca ah Lo kan tuah ah kumkhat lopil 3 nak tlawmlo ham a si. Kan ram, kan thingkung le kan vawlei kan heu ngai. Kumkhat chung thideng in rian kan ttuan ko na-in kan paw a khim ngai fawn ttung lo, kan si a fak tthiam. Vawlei khuacan a hman ti lo tikah thingram zong hlan bantuk in an tthang kho ti lo. Hi tining in pawcawmnak kan tuah rih ahcun hmailei kan techin fapar hna rawlttam tihal in an um te lai ti fiang tein hmuhkhawh a si. Atu hnu kum 20 chung ah atulio Letiak ram Lopil kan ngeih mi 2/3 a phawng lai, Lo vah awk a um ti lai lo. Culawng cu sihlah, sianginn lei, ngandamnak lei, chawkhelnak lei a lamkip in kan chambau ngaingai.
Hmunthum kan um ruang ah: Khuathum kan um ruang ah kan lungthin aa kom kho lo. Kanmah le kanmah kan i entai kar ah kan pawngkam hawi khua nih an kan chawhkanh dih cang. Zophei thawhkehnak Ralchumpi khua Leitak cu hawihnu bik, santlailo bik khua ah kan si cang. Ramleng phan fanau hna nih kan khuaram ca ah thazaang chuah usih ti zong ah hmun 3 ah tthen a hau i, zei pipa aphi a chuak kho lo. Chim awk a tam ngai ko. Cu vialte hawi hnu kan tannak, kan lung ruallo ruang i kan sungh mi chance vialte, atu cu hnu kan chit can a phan cang ti hi Leitak fa hna nih kan hmuh fian aherh. Hmunkhat ah um in kan thinlung, kan thazaang fonhtonh le tthawnter tthan a herh cang. Cucaah hmailei kan Leitak khua le Leitak fa vialte kan ca ah a tthabik mi hmuitinhnak he Modern Leitak Project kan hun sernak hi a si.
Kan hmuhton mi Thil ruang ah: Leitak fa tampi ram tthangcho kan phan ve cang. Kan phanhnak ram hna thlaici cinning, sattil zuatkhalhning, an pawcawmning, an rianttuanning hna kan hmuh tikah kan khuaram ah hi bantuk in pawcawmnak ngei kho ve usih law timi saduhthahnak nganpi kan ngei (Kan ram a tthat rihlo ruang ah 100/100 cu a ngah rih lai lo na’n 70/100 cu kan izuam, kan fel ahcun a ngah kho mi a si). A tthangcho mi ram le minung hna sin in kan theihmi le kan hmuhmi hna hi Leitak hrin, Leitak khuaram le Laimi hna ca ah santlai ding tampi a um ti hi el awk tthalo a si. Hi thil kan hmuhton mi vialte kan semnak khuaram le kan vawlei, kan mipi sin phanhpi duh ruang ah Modern Leitak Project kan hun sernak aruang pakhat a si ve.
3. Project rianttuanning Timhtuah mi (Strategy & Planning)
(1) Modern Leitak Project tuahding ah ramleng Leitak vialte sin ah theihter hnatlaknak lak hmasa a si lai.
(2) Leitak - Hakha, Thantlang, etc…Khuahlun, Zipi, Khuathar nupa hna sin ah theihternak le ruahnak halnak tuah a si lai.
(3) Lairam lei Leitak nupa hna hnatlak ahcun rianttuan ningcang (project profile) suai in, khua nupa hna avoi 2-nak theihternak le hnatlaknak lak a si lai.
Note: No. (1) le (2) hi tuah a si cang i mi tamdeuh lungtlin a si, (3) hi atu kan tuah mi a si.
(4) Hi thil vialte tlam a tlin hnu in cozah sin ah project hmun, project rian, le a herh mi dang ca ah permit sawk a si lai.
(5) Project hmun ah lam, ti, mei, Rural Development Training School (RDTS) sianginn, etc… chanthar khua pakhat dirhmun nih a herh mi vialte tuah thawk a si lai.
(6) RDTS sianginn ah chanthar pawcawm fawinak rianttuanning a cawng ding le a dirpi hmasa ding Model Farmers minung/chungkhar 30 cung he project hmun ah cawnnak thawk a si lai.
(6) A hmunmi lotuahnak, furtthal cinthlak khawhnak (Permanent Farm) le chanthar sattil zuatning in rianttuan khawhawk biatak tein cawn le tuah a si lai.
(7) Belharpi nel, Luisalai, Thanghor nel, Mawngpaw nel, Lengkaw phai, Anhmawng nel, Leitak ramchung nel dangdang ah fur-tthal in thlaici cin khawhnak tuah a si lai. Hmundang loram a thatnak kipah nun cawmnak (sii-puai-ye) ca chuahkawh ding in kawfii, pangpar, cansau thingthei phuntling cinnak hmun tuah a si lai.
(8) Leitak ram ningpi in hmankhawh awk ah Caw, Naa, Vok, Ar, etc… zuatnak hmun hak in sattil zuatnak tuah a si lai. (Zuatmi sattil poah amei in tlaih peng a si lai).
(9) RDTS sianginn cu INGO he ttuanti in Leitak lawng siloin Laitlang hmun dangdang mi vialte cawn khawhnak sianginn pi (Institute) ah duhsah in serchuah a si lai.
(10) Acunglei kan itinh mi (#7 tlawmpal dah ti lo) vialte hi kum 5-10 chung ah hlawhtling tein tuah izuam a si lai. Kum 10 hnu zong ah Leitak khua le Modern Leitak project nih ahrin mi riantuannak vialte cu dongcatlo in a theipar zunkhawh ding in riantuan a si lai.
(11) Modern Leitak project hmun cu Leitak mi vialte a kan funtom tthan dih tu Khua pakhat ah ser a si lai.
PROJECT RIANTTUAN CHUAHNAK
1. Rianttuan tu Committee hna le Ttuanvo
Project rian tlam a tlinnak ding rianttuannak ah a herhmi rianttuan buu committee hna cu a tanglei ning in ser a si lai.
(1) Project Main Committee [khuahlum + khualeng + ramleng]
(2) Working Committee [khuahlum + khualeng]
(3) Funding Committee [khualeng + ramleng]
(4) Fund Raising Groups [ramleng lawng]
(5) Advisory Board [ramchung + ramleng]
(6) Supporting Staffs
(7) Project Evaluation group
Committee structure langhter nak block diagram
1. Main Committee: Modern Leitak project rian vialte tlamlting tein ttuanchuah khawh ding ah Leitak khua hngak, khualeng phan, le ramleng Leitak hna fonh in ser a si lai.
Ruahchung mi:
| Leitak sangthum khuabawi | 3 |
| Leitak Thantlang | 1 |
| !! Hakha + Falam | 2 |
| !! Yangon | 2 |
| Working Committee, Funding Committee hna Chair le Secretary | 4 |
| Project Director (non-voting member) | 1 |
| SRDP(Abroad) OC dihlak | 6 |
| Dihlak | 19 |
(a) Modern Leitak project rianttuannak ah a sangbik nawl ngeitu a si lai.
(b) Modern Leitak project tlamtlinnak ah ttuanvo nganbik a ngeitu a si lai.
(c) Kumtin project phaisa kawltu, phaisa hmuhnak le hmannak fehtertu a si lai.
(d) Leitak project kumkhat chung rianttuannak fehtertu le program sertu a si lai.
(e) Hakha ah kumkhat ah voi 2 meeting (Teleconference/ internet in) an ngei lai.
(f) Atu lio Leitak khua hngak, Leitak hrin khuaza phan (ramleng, ramchung dihlak) dir hmun le Leitak project caah a herhmi hlathlainak tuahawk ah project evaluation group minung 3 in a thim lai i ttuanvo a pek lai.
(g) RDTS caah project tuahtu le sawktu a si lai.
(h) Project supporting staff rianttuantu hna latu, zohkhenhtu le phuaktu a si lai.
2. Working Committee: Main Committee hruainak in Leitak khuahlum le khualeng fonh in ser a si lai.
Ruahchung mi: Minung 11
(a) Cozah sin ah project permit a hal lai i, Khua hmunthar ah hmun a hak lai
(b) Khuate lei pawcawm fawinak cawnnak program ca ah RDTS tuahnak nawl permit a sawk lai
(c) Project nih a herhmi thilri Yangon le Mandalay ah a zalhpiak lai
(d) Ttha tein survey an tuah hnu ah Khua layout plan chuahcawlh a si lai (Cozah sin sawk hlan zong ah a sikhawh ahcun a ttha tthiam)
(e) Layout plan tuah ah engineer expert roih in ttuan a si lai
(f) Project caah minung thazaang in ttuan a herhmi poah Leitak hrin nih ttuan in ramleng phaisa thawhmi vialte Leitak hrin ah a kir tthan ding lam a tuak peng lai
(g) Modern Leitak project nih aa hmaithlak mi rian vialte tlamtling tein ttuanchuah awk ah ttuanvo a lak lai
3. Funding Committee: Leitak hrin umnak khuakip le ramkip ah kanmah thazaang chung in siseh, INGO hna sin ah siseh, project ca ah a herhmi phaisa kawlnak a tawlreltu a si lai
Ruahchung mi: Minung 9
(a) SRDP (Abroad) le Main Committee OC fonh in upa 9 in dirh a si lai
(b) Leitak project main committee khua khanning in fund kawl aa zuam lai
(c) SRDP (Abroad) hruainak in ramkip ah fundraising group dirh a si lai
(d) Ramkip fund raising group leader poah cu FC member an si lai
(e) Leitak project le RDTS ca fund kawl ding zong mah le phak/umnak ram ah a ummi INGO cio ah ramkip fund raising group nih ttuanvo lak chih a si lai
4. Fund-raising Groups: Fund-raising Committee tang ah ramleng Leitak hrin umnak ram kipah a tanglei bantuk in dirh a si lai i phaisa kawlnak ttuanvo latu a si lai.
(a) US group
(b) Canada group
(c) Asia group
(d) Australia group
(e) Europe group
Note: Aherh tikah chap a si te lai
5. Project Evaluation Group: Project rianttuannak vialte a tthatnak le a dernak, a sining vialte zohkheltu a si lai i Main Committee chung ah a um lai. Hi group nih project pi rianttuannak comment a pek lengmang lai.
Ruahchung mi: Minung 3
6. Supporting staff: Hi project he aa pehtlaimi zung rian herh le project rian dangdang a tuan chuaktu ding ah Main Committee nih a herh a ti ning in a tanglei bantuk in lak a si lai.
- Project Director
- RDTS Lecturers
- Accountants/ Clerks
- Staff Assistants
7. Advisory Board: Modern Leitak project lamhpalh lo te le tlamtling te in ttuanchuah khawh a sinak hnga rianttuantu buukip le Leitak mipi sin ah ruahnak petu a si lai.
PROJECT IMPLEMENTATION & TIME FRAME
1. Rian ttuan chuah ding a dotdot
(1) Avoi 2-nak Leitak mipi lungtlinnak cu April or May 2010 chung ah ramchung SRDP hruainak in atu “Modern Leitak Project Profile” ning hin lak a si lai.
Note: Minung fial ding le meeting tuahning process/guideline adang tein ttial a si.
(2) Mipi lungtlinnak kan hmuh hnu in a cunglei rianttuanning (strategy) ning in committee dihlak ser a si lai.
(3) Committee kip nih anmah le ttuanvo ngeihning in a tanglei project calendar bantuk in rianttuan chuah a si lai.
2. Project Calendar
Project Duration: Kum 10 chung (2010-2019) tiang a si lai. 2020 pin lei cu rian nih a kan chimhning in kan kalpi te lai. Rural Development Training School (RDTS) sianginn le a rianttuannak tu cu dongcat lo in pehzulh a si lai.
(1) Kum 1 nak - 2010
§ Cozah sin ah project hmun le RDTS ca ah permit sawk a si lai.
§ Project hmun, khua layout plan ttha tein suai a si lai.
§ RDTS sianginn ca ah hmunhma hak le inn sak timhtuah/thawk a si lai.
- 50x20 (+ 20x20 L chuak) thinginn dotkhat (Innsi thuh in)
- Cu inn cu staff pawl zung kainak Project zung a si chih lai
- Quarter inn pakhat sak chih a si lai
§ Hmunthar ah Project Pathian sin ah pekchanhnak le thluachuah hamnak tuah a si lai.
§ Project Director cantling minung pakhat hlawh pek in lak a si lai.
§ Ramleng Leitak hrin hna nih project ca ah phaisa thawh a si lai
Note: RDTS profile cu adang tein tuah a si te lai.
(2) Kum 2 nak - 2011
§ RDTS sianginn le quarter inn sak lim a si lai
§ Project hmun ah Lampi 50’ kau meng 3 hrawng cawh a si lai
§ RDTS ah training kai ding minung/chungkhar min pek a si lai
§ Project hmun ah minung khuasakkhawh ding in a herhmi paoh tuah thawk a si lai
§ Din ei awk, dum tuahnak, satil zuatnak ca ah ti-pipe tha tein ser a si lai
§ RDTS le model farming ca ah cantling cawnpiaktu (saya/ma) hlan a si lai
§ Model farming training thawk a si lai (kumdih lei ah a si te lai)
§ Project ca ah staff assistant (a herh ahcun) pakhat hlawh pek in lak a si lai
§ Ramleng Leitak hrin hna nih project ca ah phaisa kan thawh rih lai
§ INGO rianttuantti hawi kawl hram kan thawk lai
(3) Kum 3 nak - 2012
§ Hmunthar ah electric in rawl chuankhawhnak ding mei ser thawk a si lai
§ Project hmunthar ah chungkhar (Model Farmers) zeimawzat khuasak a si cang lai
§ Model farmers chungkhar an fale ca ah Primary sianginn sak a si lai
§ Ngandamnak lei zohkhenhnak ca ah Sii-khan sak a si lai
§ Sayama (nurse) pakhat hlawh pek in lak a si lai
§ RDTS ca ah cantling cawnpiaktu saya/sayama pakhat hlawh pek in lak a si lai. Adang cawnpiaktu zong (aherh ning in) part time in hlan a si lai
§ RDTS ah cawnnak thilri tlamtling tein cawk le chiah a si lai
§ RDTS ah training pehtlai tein tuah a si lai
§ Chanthar thlaici cinning, sattil zuatning biatak tein cawn le tuah thawk a si lai
§ Ramleng Leitak hrin hna nih project ca ah phaisa kan thawh rih lai
§ INGO rianttuantti hawi kan kawl rih lai
(4) Kum 4 nak - 2013
§ Electric mei nikhat suimilam 12 nak tam hmankhawh ding in tuah a si lai
§ Eidin ti-pipe, khuachung lam, a herhmi dangdang tuah le remh, chap a si lai
§ RDTS ca ah cantling cawnpiaktu pakhat lak chap a si lai
§ Primary sianginn, siikhan, RDTS ah cawnpiaktu le zohkhenhtu saya/ma tling tein chiah a si lai
§ RDTS ah Leitak lawng si loin khua dangdang zong training rak kaikhawh a si lai
§ Chanthar cinthlak ning he dum tuah; thingthei, pangpar, tisik anhnah furtthal in cinkhawh a si cang lai
§ Chanthar sattil zuatning he sattil amei tlaih in zuat thawk/khawh asi cang lai
§ Ramleng Leitak hrin hna nih project ca ah phaisa kan thawh rih lai
§ INGO rianttuantti hawi sin in phaisa zeimawzat hmuh a si lai
(5) Kum 5 nak - 2014
§ Hmunthar ah Middle School sianginn ttha tein sak a si lai
§ Hmunthar ah Leitak mi tampi training kai le pawcawm khuasak a si lai
§ Leitak ram nel kan ngeihmi kip ah chanthar thlaici cinning hman a si lai
§ Khua he aa naih deuhmi Lopil hna ah zungzal dum (permanent farm) tuah in thei phuntling cin a si lai
§ Thlaici siseh, sattil siseh, cikor a ttha deuh mi kawl in cinthlak le zuat a si lai
§ Chanthar cinthlak zuatkhalhning he kan chuahpi mi poah zuarkhawh ding ah market ttha kan sersiam lai
§ Ramleng Leitak hrin hna nih project ca ah phaisa thawh a si rih lai
(6) Kum 6 nak - 2015
§ Pawcawm har ruang ah khuadang dang a phan mi Leitak hrin hna zong hi hmun ah training kai le pawcawmnak rak ser a si lai
§ Leitak hrin lawng si loin Chinram in training rak kai khawhnak lam ser a si lai
§ Sianginn, siikhan, program dang tete hna zong cozah nih hlawh an kan pek piak ding kan tuah/izuam lai
§ Belharpi nel, Lengkaw nel, Thanghor kuang nel, adang nel kip ah furtthal thlaicin khawhnak lam kawl kan thawk lai
§ Kum fatin hmunkip tthial in Lo tuahning duhsah in kan kaltak lai i furtthal thlaici cinning lei kan panh ziahmah lai
§ Ramleng Leitak hrin hna nih project ca ah phaisa a tlawmdeuh thawh a si cang lai
§ INGO le rianttuan buu dangdang he ibawm in RDTS ah thiam cawnnak phundang dang tuah kan izuam lai
(7) Kum 7-10 tiang (2016-2019)
- Ramleng Leitak hrin hna nih kumchiar phaisa thawh hau tilo ding in dirkhawh kan izuam lai
- Nel kipah furtthal in thlaici cin khawh kan izuam lai
- Kan cinthlak, kan zuatkhalh mi zuar khawhnak market a fekmi kan ngei lai
- Lopil tampi permanent farm ah thlen kan izuam lai
- RDTS cu computer, mechanic, kutzung thiam, pawcawm rian phundang dang, etc…training phunphun pek khawhnak Institute pakhat ah thlen kan izuam lai
- Leitak hrinthlak vialte hika ah hmunkhat ah khuasak tti kan itim lai
- Leitak khua le ram cu Chin ram i nichuah nitlak, chak le thlang, a laifang ah ah a um mi, hmunhma le vawlei a ttha mi, a sinak hi Leitak fanau hna nih fim ngai le sullam ngei tein hmanzia thiam kan izuam peng lai
- Hi hmunthar hi Hmawngtlang khua tiang inn va ipeh khawh ding, hi hnu kum 20 -30 ah Khuapi pakhat dirhmun si kho ding planning kan tuah lai
3. Project Donghnak
- Hi Modern Leitak Project cu kan thawknak in kum 10 atlin 2019 ah donghter a si lai
- Project dongh kum, 2019 kumdih ah Pathian sin lawmhnak biachimnak he donghter a si lai
- Project kum 10 term a dih hnu ah a herhning in kan cawlcang te lai
- Project rian kan ngawl tikah a ngeihmi thilri vialte cu RDTS ah pek dih a si lai
- Leitak khua le RDTS cu chanzaa hmun ding in kan zohkhenh lai
MONITORING AND EVALUATION
1. Meeting le Rian zohkhelnak
(1) Kumkhat voi 2 Main Committee meeting an ngei lai i rianttuanphu Committee poah nih cattial in report a pek lai. Cu report an pekmi poah cu SRDP ah official in copy a pek lai.
(2) Phaisa hmuhnak le hmannak cu cozah pawmmi auditor nih thlaruk voikhat in kumkhat ah voi 2 check a si lai.
(3) Auditor(s) nih Main Committee meeting poah ah phaisa cazin cu cattial in report a pek ve lai. SRDP ah official copy a pek ve lai.
(4) Kumkhat chung Main Committee rianttuannak dihlak cu SRDP kumdih meeting ah cattial in report a pek lai.
(5) Working Committee nih Khualei rianttuannak vialte thla 6 dan voikhat, kumkhat voi hnih asilo ah MC nih aherh ati ning in [SRDP] le ttuanhawi kip (Cozah, NGO le adang dang) sin ah cattial in report a pek lai.
2. Project Theipar le Acotu ding (Benefits and Beneficiaries)
(1) Pawcawm fawinak le a tthangchomi dirhmun in dirhmi khua a si lai caah Leitak khua cu kaltak mi si ti loin fuhpanh mi khua ah aa cang lai. RDTS nih lothlawh pawcawm fawinak a thiammi lothlo tampi a hrin hna lai caah sifah ttemttawmnak in luatnak lampi kan ngei cang lai.
(2) A hmunmi Lo tuah kan thawk lai caah pawngkam le thingkung rampar zohkhenh zia a kan thiamter cang lai. Khuate nun le khuapi nun an idang ti lai lo.
(3) Hmunthum ah a rak itthekmi Leitak khua kha hmunkhat ah a kan fun cang lai ca ah kan lung aa rual kho lai, kan thazang a tthawng chin lai.
(4) Leitak khua cu fimcawnnak lei, ngandamnak lei, pawcawmnak lei, a lamkip ah a thangcho mi, tuntuk khuasak a nuammi, khuapi van hailo khuate pakhat a si cang lai. (Atu project ah aa tel mi kan chan chung, hi hnu kum 20 hrawng ah Leitak hi Khuapi pakhat ah aa chuah kho ngai mi a si).
(5) Hi Modern Leitak Project theipar ttha vialte a ting/cotu cu pakhatnak ah Leitak hrin kan si lai, pahnihnak ah kan Lairam le Laimi kan si lai.
BUDGET LE FUND KAWLNING
| | 2010 | | | 2011 | |
| | PROJECT HMUN CA AH | | | PROJECT HMUN CA AH | |
| | Items | Amount | | Items | Amount |
| 1 | Khualei mipi theihter tthannak | 500 | | Lampi (50'x3 miles) | 2,500 |
| 2 | Cozah sin register tuahnak | 1,000 | | Ti (water supply) | 4,000 |
| 3 | Khua plan & layout tuahnak | 1,000 | | Model farming thilri | 1,500 |
| 4 | Committee kip meeting & TA | 200 | | Committee kip meeting & TA | 600 |
| 5 | Food Store (Rice Bank) | 1,000 | | Food Store (Rice Bank) | 1,500 |
| 6 | Program Pathian sin peknak | 1,000 | | Sub-total | 10,100 |
| | Sub-total | 4700 | | SUPPORTING STAFFS | |
| | | | | Project Director (100x12) | 1,200 |
| | SUPPORTING STAFFS | | | Staff Assistant (60x10) | 600 |
| 1 | Project Director (75x6) | 450 | | TA | 200 |
| 2 | Travel Allowance (TA) | 100 | | Meeting | 100 |
| | Sub-total | 550 | | Sub-total | 2,100 |
| | RDTS | | | RDTS | |
| 1 | Zunginn le quarter (2) | 7,000 | | Saya hlawh (100x3) | 300 |
| 1 | Project audit (rian + phaisa cazin) | 100 | | RDTS cawnnak furniture* | 500 |
| | Sub-total | 7,100 | | Project audit tuahnak | 200 |
| | Note: 2010 cu thing-ah le thawk a si lai i, | | Learning supply | 1,500 | |
| | 2011 ah a sak lim a si te lai. | | | Sub-total | 2,500 |
| | | | | *Pumpak zuamnak in tuah ding | |
| | Khua 3 ca ah | | | Khua 3 ca ah | |
| 1 | Sianginn le ngandamnak | 1,000 | | Sianginn le ngandamnak | 1,200 |
| | Grand total (2010) | 13,350 | | Grand total (2011) | 15,900 |
| | | | | Note: * SA nih tuan kemhkhawh ahcun | |
| | 1 US$ = Ks.1,000 a fawinak in tuak a si. | | | | |
| | | | | | |
| | 2010 PHAISA HMUHNAK | | | 2011 PHAISA HMUHNAK | |
| | USA | 4,800 | | USA | 5,800 |
| | CANADA | 2,200 | | CANADA | 3,000 |
| | EUROPE | 2,800 | | EUROPE | 3,800 |
| | AUSTRALIA | 3,500 | | AUSTRALIA | 4,500 |
| | ASIA | 1,000 | | ASIA | 1,000 |
| | | 14,300 | | | 18,100 |
| | 2012 | | | 2013 | |
| | PROJECT HMUN CA AH | | | PROJECT HMUN CA AH | |
| 1 | Electric mei | 6,000 | | Electric mei-remh chap | 5,000 |
| 2 | Primary Sianginn saknak | 3,000 | | Khuachung Lam ser chap | 2,000 |
| 3 | Din ei ti-pipe tuah chap ding | 1,000 | | Sii-khan supply | 500 |
| 4 | Sii-khan inn saknak | 1,500 | | Committee kip meeting | 200 |
| 5 | Model farmers ca ah | 500 | | Primary sianginn ca ah* | 500 |
| 6 | Committee kip meeting & TA | 600 | | Committee kip TA | 500 |
| 7 | Food Store (Food Bank) | 500 | | Project audit + ttukttak | 300 |
| | Sub-total | 13,100 | | Sub-total | 9,000 |
| | | | | *Pumpak zuamnak in | |
| | SUPPORTING STAFFS | | | SUPPORTING STAFFS | |
| 1 | Project Director (100x12) | 1,200 | | Project Director (120x12) | 1,440 |
| 2 | Clerk/Accountant (75x12) | 900 | | Clerk/Accountant (75x12) | 900 |
| 3 | Staff Assistant (50x12) | 600 | | Staff Assistant (60x12) | 720 |
| 4 | TA | 200 | | Nurse (75x12) | 900 |
| 5 | Office supply | 200 | | TA | 200 |
| | Sub-total | 3,100 | | Computer | 1,000 |
| | | | | Meeting | 200 |
| | | | | Sub-total | 5,360 |
| | RDTS | | | RDTS | |
| 1 | Saya hlawh (100x12) | 1,200 | | Saya hlawh (120x12) | 1,440 |
| 2 | Saya hlawh (part time) | 700 | | Saya hlawh (100x12) | 1,200 |
| 3 | Learning supply | 1,500 | | Learning and office supply | 2,000 |
| 4 | TA + Facility maintenance | 400 | | TA & Meeting | 300 |
| 5 | Meeting | 100 | | Telephone | 2,000 |
| 6 | Project audit tuahnak | 200 | | Building zohkhenhnak | 200 |
| | Sub-total | 4,100 | | Sub-total | 7,140 |
| | Khua 3 ca ah | | | Khua 3 ca ah | |
| 1 | Sianginn le ngandamnak | 1,000 | | Sianginn le ngandamnak | 1,000 |
| | Grand total (2012) | 21,300 | | Grand total (2013) | 22,500 |
| | 1 US$ = Ks.1,000 a fawinak in tuak a si. | | | | |
| | | | | | |
| | 2012 PHAISA HMUHNAK | | | 2013 PHAISA HMUHNAK | |
| | 2011 BALANCE | 2,000 | | INGO | 10,000 |
| | USA | 6,000 | | USA | 5,000 |
| | CANADA | 3,000 | | CANADA | 2,300 |
| | EUROPE | 4,300 | | EUROPE | 3,100 |
| | AUSTRALIA | 5,000 | | AUSTRALIA | 3,600 |
| | ASIA | 1,000 | | ASIA | 500 |
| | | 21,300 | | | 24,500 |
| | 2014 | | | 2015 | |
| | PROJECT HMUN CA AH | | | PROJECT HMUN CA AH | |
| 1 | Middle School saknak | 5,000 | | Project khuahmun zohkhenhnak | 1,500 |
| 2 | Sii-khan supply | 500 | | Sii-khan supply* | 500 |
| 3 | Committee kip meeting | 200 | | Committee kip meeting | 200 |
| 4 | Middle School ca ah furniture* | 500 | | Project audit | 300 |
| 5 | Committee kip TA | 500 | | Committee kip TA | 500 |
| 6 | Project audit + ttukttak | 300 | | Ttukttak | 300 |
| | Sub-total | 7,000 | | Sub-total | 3,300 |
| | *Pumpak zuam nak in | | | *Pumpak zuamnak in | |
| | SUPPORTING STAFFS | | | SUPPORTING STAFFS | |
| 1 | Project director (120x12) | 1,440 | | Project director (120x12) | 1,440 |
| 2 | Clerk/Accountant (75x12) | 900 | | Clerk/Accountant (75x12) | 900 |
| 3 | Staff Assistant (60x12) | 720 | | Staff Assistant (60x12) | 720 |
| 4 | Nurse (75x12) | 900 | | Nurse (75x12) | 900 |
| 5 | Midd-School saya hlawh (65x3x12) | 2,340 | | Midd-School saya hlawh (65x3x12) | 2,340 |
| 6 | Computer | 1,000 | | Meeting | 100 |
| 7 | Meeting + TA | 300 | | TA | 300 |
| | Sub-total | 7,600 | | Sub-total | 6,700 |
| | RDTS | | | RDTS | |
| 1 | Saya hlawh (120x12) | 1,440 | | Saya hlawh (120x12) | 1,440 |
| 2 | Saya hlawh (100x12) | 1,200 | | Saya hlawh (100x12) | 1,200 |
| 3 | Learning and office supply | 2,000 | | Training phun2/project dang2 | 4,000 |
| 4 | TA & Meeting | 300 | | TA & Meeting | 400 |
| 5 | Telephone | 2,000 | | Belharpui phai farming | 4,000 |
| 6 | Building zohkhenhnak | 200 | | Building zohkhenhnak | 200 |
| 7 | Bulepui+Ahreng farming | 2,000 | | Sattil zuatnak program | 2,000 |
| | Sub-total | 9,140 | | Sub-total | 13,240 |
| | Khua 3 ca ah | | | Khua 3 ca ah | |
| | Sianginn le ngandamnak | 1,000 | | Sianginn le ngandamnak | 1,000 |
| | | | | | |
| | Grand total (2014) | 24,740 | | Grand total (2015) | 24,240 |
| | 2014 PHAISA HMUHNAK | | | 2015 PHAISA HMUHNAK | |
| | 2013 BALANCE | 2,000 | | 2013 BALANCE | 1,500 |
| | INGO | 10,000 | | INGO | 15,000 |
| | USA | 5,000 | | USA | 4,000 |
| | CANADA | 2,300 | | CANADA | 2,000 |
| | EUROPE | 3,100 | | EUROPE | 2,800 |
| | AUSTRALIA | 3,600 | | AUSTRALIA | 3,000 |
| | ASIA | 500 | | ASIA | 500 |
| | | 26,500 | | | 28,800 |
2010 – 2015 CHUNG PHAISA BUDGET
| KUM | HMUHNAK | HMANNAK |
| 2010 | 14,300 | 13,350 |
| 2011 | 18,100 | 15,900 |
| 2012 | 21,300 | 21300 |
| 2013 | 24,500 | 22,500 |
| 2014 | 26,500 | 24,740 |
| 2015 | 28,800 | 24,240 |
| Total | 133,500 | 122,030 |
| Balance | | 11,470 |
| Grand Total | 133,500 | 133,500 |
