Leitak in a hmasabik medical doctor degree a kan lakpiak hmasabik tu cu kan far/fa Mai Mang Cin Ttial a si. Amah hi Pu Dennis Thla Peng le Pi Mang Zi (tleicia) an fanu upabik a si. A tang hi Doctor sinak a kan hmuhpiaknak ttialmi a si.
-------------
Laihritlai hna,
Kan fanu Mai Mang Cin Tial ca i, nan zapi thlacam bawmhnak cu kan Pathian nih thlua a chuah i, December, 2008 cun tlamtling tein a sianginn a lim khawh cang. MBBS dirhmun Doctor pakhat sinak tiang Pathian nih thluachuah a kan pek kan hmuh tikah Pathian sin ah lawmhbia chim loin, kan um kho lo. Dr. Mai Mang Cin Tial i a hmailei step a karhlan rih hngami cung zongah Pathian thluachuahnak hmun camcin ko seh.
Thluachuahnak he,
Salai Khua Kam
No comments:
Post a Comment